【李八方online】IVE生扬威国际 电竞赛夺冠

  由旅发局举办嘅电竞音乐节8月4至6日喺红磡香港体育馆举行,会有电竞比赛、韩国歌手同组嘅演唱会、嘉年华等。其中电竞比赛採用热爆嘅游戏《英雄联盟》,唔同赛区刚退役嘅世界级选手应邀参加。

  查实香港都有唔少年轻人係电竞好手,例如就读于香港专业教育学院(IVE)嘅陈永耀同李沛明,佢哋係「九龙电竞队」成员,去年伙拍三名同学出战「英雄联盟国际大学冠军赛」夺冠,扬威国际,其后获邀组成职业电竞队。

  李沛明接受政府新闻网访问时话呀,父母起初都反对佢打机,觉得对身体唔好兼好「颓废」,但佢获奖之后开始肯定同支持,后嚟得悉知名电竞选手有可观收入,放心畀佢继续。陈永耀就话比赛获胜带来成就感,令佢立志成为职业选手,认为香港有发展电竞嘅极大潜力。

 扬天

0